Soekvorm

Dal 92

Ala tanu ka ɲi

1Lafiɲɛlon dɔnkili dɔ.

2A ka ɲi ka ele Masaba tanu

ka dɔnkili la ele Fɛɛn bɛɛ kuntigi ye,

3k'i ka ɲumanya fɔ sɔgɔmadafɛ,

k'i ka kantigiya fɔ sufɛ,

4k'o fɔ ni kolonjo, ani gɔni, ni soku ye.

5- Masaba, e ka kɛwaliw be ne nisɔndiya.

Ne be nisɔndiyadɔnkili la i ka kɛtaw kosɔn.

6Masaba, e ka kɛtaw ka bon.

E ka miiriyaw ka dun kosɔbɛ.

7Naloman te foyi lɔn o la,

hakilitan te foyi faamu o la.

8Hali ni mɔgɔjuguw wilila i ko biin,

hali ni kojugukɛlaw ka koo yiriwara,

u bena halaki pewu!

9Nga, ele min be sanfɛ,

i ye Masaba ye kudayi.

10Masaba, a filɛ, e juguw be halakira,

kojugukɛlaw jɛnsɛnna.

11I ye kongomisi ka fanga ɲɔgɔn di ne ma.

I ye tulukura bɔn n kunna.

12Ne ɲaa be n juguw halakitɔ la,

ne tulo be mɔgɔjuguw kulekan na.

13Mɔgɔtilenninw be taga ɲa i ko tamarosun,

u be boɲana i ko Liban yiribabaw.

14U be Masaba ka soo kɔnɔ i ko yiri tutunin.

U be wili ka ɲa an ka Ala ka luu kɔnɔ.

15Hali n'u kɔrɔla, u be den,

jii b'u la kosɔbɛ, u nugunin lo.

16O b'a yira ko Masaba tilennin lo.

N tangakabakuru lo, tilenbaliya t'a ka koo la.

ALA KA KUMA

© 2008 Alliance Biblique du Burkina Faso

More Info | Version Index