Soekvorm

Luka int

Phau Luka yog Luka sau. Nws kuj sau phau Tubtxib Tes Haujlwm thiab. Luka yog lwm haiv neeg uas los ntseeg thiab nws yog ib tug Kws tshuaj. Nws nrog xibhwb Povlauj mus qhia txoj xov zoo hauv lub xeev Axia thiab hauv Kili tebchaws, thiab nrog xibhwb Povlauj mus rau lub nroog Loos. Thaum nyob hauv lub nroog Loos tej zaum Luka sau phau no cia, yog kwvlam xyoo 60 tom qab yug Yexus.

Thaum Yexus pib mus qhia nws hnub nyoog muaj peb caug xyoo. Nws qhia peb xyoos nws li raug teem rau saum khaublig ntoo. Luka qhia tias Yexus yog “Neeg leej Tub,” thiab qhia tias Yexus tsis yog los cawm cov Yixayee xwb tiamsis yog los cawm txhua haiv neeg hauv ntiajteb. Yexus tsis yog hlub cov nplua nuj thiab cov txivneej thiab cov ncaj ncees xwb, tiamsis kuj hlub cov pojniam thiab cov pluag thiab cov neeg muaj txim. Nws qhia ntau txog kev thov Vajtswv thiab qhia txog Vaj Ntsuj Plig.

Tshooj 1:1‑4:13 Yug Yexus. Yexus ua kevcai raus dej thiab raug Ntxwg Nyoog sim.

Tshooj 4:14‑9:50 Yexus qhuab qhia hauv lub xeev Kalilais.

Tshooj 9:51‑19:27 Yexus mus qhia rau hauv lub xeev Yudia thiab lub xeev Pelia.

Tshooj 19:28‑23:56 Yexus mus qhia rau hauv lub nroog Yeluxalees. Yexus raug ntes thiab tsim txom thiab raug txiav txim tuag.

Tshooj 24 Yexus ciaj sawv hauv qhov tuag rov los, thiab Yexus rov mus saum ntuj.

Vajtswv Txojlus - lus Hmoob Dawb - txhais tshiab xyoo 2004

Text Copyright © 2004 Thailand Bible Society

Quotations of the White Hmong Holy Bible Standard Version, in any form, must obtain written permission from Thailand Bible Society if the quoted material is inclusive of at least 1,000 verses, or a copy of any book wholly or partially which amounts to 50 percent of the book quoted. For any long quotation, notice of copyright must appear as follows: Text Copyright © 2004 Thailand Bible Society. Used by permission.

More Info | Version Index